როგორ მოქმედებს რუსული პროპაგანდა - ამერიკელი ჟურნალისტის ექსპერიმენტი
14 იანვარი 2016 Shadowწყარო: fmabkhazia.com
გამოცემა Business Insider-ის ჟურნალისტმა, რომელიც ამჟამად აშშ-ში ცხოვრობს, შეგნებულად თქვა უარი ინფორმაციის ალტერნატიულ წყაროებზე და გადაწყვიტა, ერთი კვირის განმავლობაში მხოლოდ რუსული მედიის მასალები ეკითხა და ენახა,.
„გაოცებული ვიყავი როგორ შეეძლო რუს ხალხს არ აღშფოთებულიყო უკრაინაში რუსეთის შეჭრის გამო. მე დენვერში ვცხოვრობ და, უმეტესწილად, ამერიკულ და ევროპულ პრესას ვეცნობი. გადავწყვიტე, გამეგო, რა ხდება რუსეთსა და უკრაინას შორის რუსი ხალხის გადმოსახედიდან და ამიტომ, ერთკვირიანი „ინფორმაციული დიეტა“ გამოვაცხადე - მხოლოდ რუსულ მედიას ვეცნობოდი. ვუყურებდი პირველ არხს, როლისთვისაც უკვე 20 წელია, არ მიყურებია“, - წერს ვიტალი კაცენელსონი.
ერთი კვირა ამ რეჟიმით ცხოვრების შემდეგ, ჟურნალისტი გამოტყდა, რომ „ძნელია, წინანდელ მოსაზრებებში და შენი პოზიციის სიმყარეში ეჭვი არ შეიტანო რუსული ტელეარხების ყურების შემდეგ, მაგრამ იქვე უნდა გაიხსენო, რომ პუტინის რუსეთში სიტყვის თავისუფლება არ არის“.
„მე მუდამ მიმაჩნდა ინტერნეტი დემოკრატიის ისეთ მონაპოვრად, რომელსაც შეეძლო გაევრცელებინა სიმართლე თვით პროპაგანდის მყარი კედლების მიღმაც. გამოდის, ვცდებოდი: როცა რუსულ სამთავრობო არხს უყურებ, შენ არ მოგინდება დასავლური პრესის გაცნობა, რადგან დარწმუნებული ხარ, რომ ისინი ცრუ ინფორმაციას ავრცელებენ. და კიდევ: რუსული ტელევიზია იმდენად მძლავრი და ყოვლისმომცველია, რომ თქვენ არც მოგინდებათ სხვა რამის ყურება, რადგან ჩათვლით, რომ ხელთ გაქვთ უტყუარი ფაქტები.
რუსული პროპაგანდა ისე მუშაობს, რომ აიძულებს თქვენი ტვინის მარჯვენა ნახევარსფეროს (ემოციებზე პასუხისმგებელს) აღმატებული იყოს მარცხენაზე (ლოგიკაზე პასუხისმგებელზე), ამავე დროს აბინძურებს და ახშობს თქვენი ლოგიკის ყველა ფილტრს... ფაქტები არაა ის, რაც რუსულ ტელევიზიას აღელვებს. როგორც კი ემოციური ხატება და ბევრი დეზინფორმაცია აავსებს თქვენს მარჯვენა ნახევარსფეროს, ის ამარცხებს მარცხენა ნახევარსფეროს, რომელიც კაპიტულაციას აცხადებს და საბოლოოდ უარს ამბობს მიწოდებული ინფორმაციის ლოგიკურად გააზრებაზე“, - ასკვნის ჟურნალისტი.
