რუსმა სამხედროებმა საოკუპაციო საზღვარი კიდევ ერთხელ შეცვალეს
11 აგვისტო 2015 Shadowრუსული აგრესიიდან 7 წლის შემდეგ, 10 აგვისტოს რუსმა სამხედროებმა საოკუპაციო საზღვარი კიდევ ერთხელ შეცვალეს.
ადგილობრივი მოსახლეობის ინფორმაციით, ქარელის რაიონის სოფელ თამარაშენში ეგრეთ წოდებული საზღვარი 700 მეტრით არის გადმოწეული და დამონტაჟებულია 2 ახალი ბანერი.
შინაგან საქმეთა სამინისტროს ანალიტიკური დეპარტამენტი აცხადებს, რომ ჯერჯერობით გავრცელებულ ინფორმაციას სწავლობს.
დღესვე ცნობილი ხდება, რომ ქართულმა მხარემ მოსკოვს საპროტესტო ნოტა გაუგზავნა. შვეიცარიის დახმარებით კრემლს გადაეცა ნოტა, რომელშიც საუბარია 6 აგვისტოს წითელუბანში ბანერების უკანონო აღმართვის ფაქტზე.
იხილეთ საზოგადოებრივი მაუწყებლის მიერ მომზადებული სიუჟეტი: რუსმა სამხედროებმა საოკუპაციო საზღვარი კიდევ ერთხელ შეცვალეს
